Deepam Aerri Araththi Eduppom

தீபமேற்றி ஆரத்தி எடுப்போம்

ஆசை மனசை தூசு தட்டி

கசக்கி பிழிந்து அடித்து துவைத்து

மாசை அறவே முற்றும் அகற்றி

இசைக்கும் நாதம் எட்டிப் பிடித்து

கனிந்த இதயம் குவிந்து ஒன்றி

விளிம்பு தட்டில் கொட்டாமல் ஏந்தி

முனைந்து ஏறி முக்கண் முனை

குனிந்து கோலமிட்டு குன்றி அமர

பக்தி தீபம் பதமாய் ஏற்றி

ஆற்றல் கதிர்கள் சற்றே இணைய

சக்தி சித்தி சகலமும் ஒதுக்கி

மாற்றம் இல்லா நிலை அடைந்து

ஆரத்தி எடு உண்மை உணர்ந்து

நேரத்தில் நல்ல செயல் நோக்கி

பாரத்தை இறக்கி பழகு தினம்

வீரத்தை காட்டி மனம் வென்று

உள்ளத்தில் ஒரு கோவில் கட்டு