Ninaivugal Aayiram

My post content

நினைவுகள் ஆயிரம்

எண்ணங்கள் பல கோடி மலர்ந்து

உதிரிப் பூவாய் பல்லாயிரம் உலர

மறக்க முடியாத மண் வாசனையாய்

மனதில் வாழும் நினைவுகள் ஆயிரம்

அதில் தாயின் மடியின் சுகம்

தந்தையின் விரல் பிடித்த நடை

கூடப் பிறந்த கொஞ்சல் கோவம்

அத்தையின் மெத்தையில் உதித்த கதை

பள்ளித் தோழியின் துள்ளலும் துடுக்கும்

வெள்ளை மனதின் வாய்திறந்த சிரிப்பும்

வாலிபத்தின் வசந்தம் வீசிய தென்றலும்

மழையில் சிலிர்த்த மோகன மயக்கமும்

குடும்ப வாழ்வின் இன்ப துன்பங்களும்

குழந்தையின் குளிர்ந்த மழலைச் சொற்களும்

மனமுடைந்த நிலையில் திரும்பிய முனைகளும்

அன்பாய் அரவணைத்த ஆறுதல் சொற்களும்

வயதின் முதிர்ச்சியால் வளர்ந்த அறிவும்

வாழ்க்கையின் முடிவை மகிழவைக்கும் தியானமும்

பேரின்ப நிலைக்கு பரிவோடு பதமாய்

அழைத்துச் செல்லும்

குருவின் அருளும் என்றும்

நிலைநிற்கும்